Barzhaz Breizh : Merzhin – Merzhin barzh (7)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Ar rouanez a c’houlenne
Gant e loufrenn*, eus he gwele :    [camériste] 

– Petra c’hoari gant ar gêr-mañ ?
Pe safar a glevan amañ ?

Pa’z on dihunet ken pred-se ;
Ken a gren postoù ma gwele ?

Petra zo degou’et ’barzh ar porzh,
Gant an dud eno ’youal forzh ? –

– C’hoari gaer a zo er gêr-mañ :
Gant Merzhin o tont en ti-mañ ;

Ur c’hwrac’hig kozh gwenn-kenn, razañ,
Hag ho mab-kaer ivez gantañ. –

Ar roue en deus he c’hlevet,
Hag eñ ’maez, ha prim da welet.

– Sav alese, embanner mat ;
Sav, deus da wele, ha timat !

Ha kae da gemenn dre ar vro
Dont d’an eured neb a garo ;

Dont da eured merc’h ar roue
A vo dim’et a-benn eizh deiz ;

Dont d’an eured, tudjentiled,
Kement zo e Breizh hed-ha-hed ;

Tudjentiled ha barnerien ;
Tud a iliz ha marc’heien ;

Ha da gentañ ar Gonted vaour*,    [meur, cf. gallois mawr] 
Ha tud pinvidik ha tud paour ;

Kae buan ha skañv dre ar vro,
Kannadour, da deus skañv en-dro. –

Livre

Barzhaz Breizh : Merzhin – Merzhin barzh (7)

Barzhaz Breizh

association Daskor Breizh
06.11.32.35.32.
36, rue Basse,
29600 Morlaix