Livre III, fable XI

Amzer zo bet gwechall Alanig al louarn,
(Eus a Normandi oa, a C’haskogn, eme darn),
A welas rezin kaer, ken tanav o c’hroc’hen !
                        Hanter mouk, hanter melen,
                  Uhel ouzh beg ur spalierenn.
Graet en dije ur pred an’e, gant ur joa vras :
Allaz ! kaer lammet zo, re uhel ’int, siwazh !
Souden, pa wel ervat ne c’hallo derez bo[u]t :
Traoù trenk ’int, emezañ, mat hepken d’an dud sot.
Ha mat en deveus graet ; rak klemmoù, bezit sur,
Ne reont vat ebet, goude displijadur.