an Elfennoù

Rumm
A bep seurt
Yezh
Brezhoneg
Orin
Paris, Heugel, 1931
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

Bezañ ez eus pemp elfenn : KALAS, GWYAR, FUN, UVEL ha NWYVRE (Kaleter, dourder, aezhennder, tander ha neñvder).

Diouzh KALAS e teu ar c’horfoù, da lâret eo an douar ha pep korf kalet ;

Diouzh GWYAR e teu ar glebder ha pep teuzusted1,

Diouzh FUN e teu pep c’hwezhadenn, pep avel, pep alan hag aer ;

Diouzh UVEL e teu pep tommder, pep tan ha gouloù ;

Ha diouzh NWYVRE e teu pep buhez2, pep keflusk3, pep spered, pep ene deneleg, ha diouzh e unanidigezh gant an elfennoù all e tarzh pep buhez4.

Hag en NWYVRE, hag en e gaerder-dreist, hag e-maez a bep tra all disheñvel, emañ Doue, rak Doue a zo Nwyvre, ha n’ez eus ennañ na nevezidigezh5, na marv, na gwastadur (pe breinadur) na digresk, da lâret eo : n’ez eus na lec’h nag amzer, ’lec’h n’emañ ket Doue.

Tennet diouzh ar Barddas, L.I.d. 382

NOTENN
An droidigezh saoz, displeget er Barddas, ’keñver-ha-keñver gant ar c’hembraeg, ne dro ket ar gerioù Calas, Ufel, Nwyvre (reiñ a ra anezhe evel m’emaint-i) ; gwyar a zo troet gant fluidity, Ffun gant breath, da lâret eo alan.
Er skritur kembraeg, e meur a lec’h, Nwyvre ha Nef (pe Nev) a zo roet an eil evit egile ; Nef (pe Nev) n’eo ket troet e saozneg. Ar Barddas a ro ivez Awyr, da lâret eo aer (Ffun, Wybr), Haul, da lâret eo heol (tan, ufel, uddel) ; Nwyvre (Enyded, Nyfel).
Er geriadurioù kembraeg nevez e kaver Nwyvre : yr elfen dan, ether ; nwyf : pervading element, da lâret, e galleg, pénétrant élément ; Enyded : padelezh, amzer, ec’honder ; Ufelai : oxygène ; Kaled : kaleter.
Ac’hane em eus troet :
CALAS : kaleter
GWYAR : dourder
FUN : aezhennder
UFEL : tander
NWYVRE : neñvder, éther

(1) teuzusted : liquéfaction
(2) buhez : vie
(3) keflusk : mouvement
(4) buhez : existence
(5) nevezidigezh : renouvellement