ur Gomz diwezhañ da glozañ

Genre
Roman
Langue
Breton
Source
Redon, Imprimeries Réunies, A. Bouteloup et fils aîné, 1913
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Evidon-me a lavar hag a lavaro atav, rak ma vezo ar wirionez atav :

NETRA NA DALV VA BREIZH

Nann, n’eo gwir ? netra na dalv ha netra na dalvo
Kornig douar hon tadoù, Breizh-Izel, hor mamm-vro ?
Gened kozh bepred nevez, da viken ma’z karo,
Ha laouen me az meulo ken teuy din ar marv.

Lâromp eta, Kenvroiz, lâromp gant levenez,
N’eus ket e-mesk ar broioù ken din a garantez.
E Breizh-Izel ’on ganet, ganti ’on bet maget,
Hag enni eo, da’m marv, e vezin douaret.

Eno va c’housk a vezo gant va zud kozh reizhoc’h,
Eno me a c’hortozo deiz ar varn vras e peoc’h ;
Ha bemnoz, dre lanneier hag aodoù Breizh-Izel,
Ene ar barzh a gano c’hoazh meur a werz santel.