Marv Pontkallek (1)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    I

Ur werzenn nevez zo savet ;
War markiz Pontkalleg eo graet ;

    – Treitour ! a !
    Mallozh dit !
    Mallozh dit ’ta !
    Treitour ! a !
    Mallozh dit ! a !

War markiz yaouank Pontkalleg,
Ken koant, ken drant, ken kalonek !

    – Treitour ! a ! etc.

Mignon a oa d’ar Vretoned,
Abalamour ane’o oa deuet ;
    – Treitour ! a ! etc.

Abalamour ane’o oa deuet,
Hag etrezo oa bet maget.

Mignon a oa d’ar Vretoned,
D’ar vourc’hizien ne lâran ket ;

D’ar vourc’hizien ne lâran ket,
A zo a-du ar C’hallaoued ;

A zo atav ’kas gwaskañ re
N’o deus na madoù na levez,

Nemet poan o divrec’h, noz-deiz,
Evit magañ o mammoù d’e.

Laket en devoa en e benn
Disammañ deomp-ni hon hordenn ;

Gwarizi-tag* d’ar vourc’hizien,    [LV dépit] 
O klask an tu ’vit hen dibenn.

– Aotroù markiz, it da guzhet,
An tu a zo gante kavet ! –