Kloareg Rohan (5)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

P’erruas al lizher gantañ,
Oa o tonet deus an emgann,

Oa o tonet ’trezek e vro* ;    [K vrou] 
’C’hoari gaer gant an drompilhoù,

Tra ma oa o lenn al lizher,
’Teue ar baron taeroc’h-taer ;

Ha pa oa al lizher lennet,
’Tre e zaouarn ’deus her flastret,

Ha gant e zent ’deus her roget,
Ha gant treid e varc’h mac’hellet.

– Prim ! ’trezek Breizh ; primoc’h ’ta, floc’h !
Pe me ’blanto va goaf ennoc’h ! –

An aotroù er gêr pa erruas,
Tri zaol war an nor-borzh a reas,

War an nor-borzh a reas tri zaol,
Ken a lakaas da grenañ ’n holl.

Ar c’hloareg evel ma klevas,
Da zigor an nor a redas :

– Petra ’ta, kloareg milliget,
’Moa ket roet dit karg ma fried ! –

Ha plantañ e c’hoaf en e veg,
Ma teuas dre e c’hoûg ar beg.

Hag eñ d’an nec’h gant an diri,
Ha tre e-barzh kambr e hini,

Ha kent ma c’hellas lavar ger,
Gant e gleñv he zreuzas e-berr.