Itron Varia Folgoad (3)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    III

– Pajig bihan, lavar din-me,
Petra ’z-a gant ar pae*-se ?    [LV rue] 

– Ho mererien a Wigourvez,
Ar c’hrouger hag ho filhorez. –

Kriz ’vije neb ha na ouelje,
War dachenn Folgoad, pa zeue ;

Pa zeue ar plac’h pemzek vloaz,
E-kreiz daou archer da grougañ ;

Ur c’hwrac’hig kozh paour dirazi,
O terc’hel ur gouloù dezhi ;

Hag hi, o vont, a lavare :
– Ne oa ket din ar bugel-se. –

An itron war-lerc’h o c’houlenn
Truez d’he filhorez a-grenn :

– Laoskit ganin va filhorez :
Roiñ a rin deoc’h arc’hant he fouez.

Ha mar na blij deoc’h kement-se,
Me ’roy deoc’h pouez va inkane,

Me ’roy deoc’h pouez ma inkane,
Ar plac’h ha me war e c’horre. -

– Ho filhorez n’ho pezo ket,
Neb a lazhas a vez lazhet.