Bleunioù mae (3)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    III

– Jeffig, Jeffig, ne ouzoc’h ket
Pezh en deus an eostig lâret :

’Mañ ar miz mae o vont e-bioù,
Gant ar bleunioù war ar c’hleuzioù. –

Ar plac’hig ’dal’ m’he deus klevet,
He daouarn e kroaz ’deus laket :

– Me ’lâro un Ave Maria
En ho enor, itron Varia,

Ma plijo gant ho mab Doue,
Da gaout diou’n-me* truez ;    [diouzhin-me] 

Ma’z in, bremaik, da c’hortoz
Va mignonezed er barroz. –

’Oa ket he Ave achuet
Stouiñ he fenn he deus graet ;

Stouiñ he fenn hi he deus graet,
He daoulagad he deus serret.

Neuze oe klevet an eostig,
O kanañ c’hoazh el liorzhig :

« Eürus eo an dud yaouank-se
Hag a varv en amzer-nevez !

Eürus eo an dud yaouank-se
A ve roet d’e bleunioù nevez ! »