VII diviz

Genre
Théâtre
Langue
Breton
Source
Saint Brieuc, Moulerezh Sant Gwilherm, 1917
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

MEVEN, KOLOMBAN

KOLOMBAN
Un den yaouank paour, va zad, a zo deut, bremaik, er manati, da c’houlenn diganeomp skoazell ha truez.

MEVEN
Perak ?

KOLOMBAN
Dre ma’z eo bet gwall gaset gant soudarded. Chadennet eo, hag ouzhpenn-se, klañv-bras diouzh a lavar.

MEVEN
Ar re baour, ar re glañv, va mab, e pelec’h eo e vijent degemeret panevet en hon ti ? Hon ti-ni a dle bezañ ti an dud reuzeudik ha glac’haret. Daoust ha kavout a rajent en ul lec’h all kement ’zo ret dezho ken evit o c’horfoù, ken evit o eneoù ? Me ’fell din her gwelet.

KOLOMBAN
Emañ o c’hortoz e-kichen an nor. Me ’ya da reiñ digor dezhañ. Kolomban a ya, hag a laka Gwenael da zont. Gwenael a zo ur c’hozh tamm sae fall warnañ ; emañ e zaouarn leun [a] c’hwad ha stag mat outo ur chadenn houarn.