XXIV diviz

Genre
Théâtre
Langue
Breton
Source
Brest, Moulerezh ru ar C’hastell, 1933
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

GUILCHER e-unan
Va selaouit, mar plij, tud vat, va selaouit. Daoust hag ez eus bet, e Breizh, gwechall-gozh, kornandoned, korriganed, korriget, poulpikaned, teuzioù, ha me ’oar me ? An eil a lavar ya, egile a lavar nann, un all a lavar marteze. Mat, ar pezh a zo sur eo n’eus hini anezho, bremañ, e Breizh. Mont a c’hellit da bourmen da sklêrder al loar, e-tro an hanternoz, war ul lanneg bennak, n’eus forzh pegen bras bennak, pegen distro bennak e vezo, ha ne welot kornandon ebet, teuz ebet. Nann ! Koulskoude, tud zo, tud fur ha gouiziek, o lavarout hon eus, pep hini ac’hanomp, kornandoned hag a zo servijerien deomp. Hon dek biz eo, hag ar re-se, evit gwir, a zo gouest da c’hounit, evidomp, gant skoazell an Aotroù Doue, pezhioù arc’hant ha pezhioù aour.

Ar gouel a ziskenn.