XXII diviz

Rumm
C’hoariva
Yezh
Brezhoneg
Orin
Brest, Moulerezh ru ar C’hastell, 1933
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

AR GORNANDONED, DJIM, BALIBOUZIG

BALIBOUZIG kounnar ennañ, o tiskouez e zorn serret d’ar gornandoned
Ban… ban… ban… denn vuo… vuoc’h ; dia… dia… ouloù da… da… dao… net. An holl en em laka a-gelc’h en-dro da Valibouzig. Echu an arneñv, al loar a lugern adarre.

AR GORNANDONED holl a-unan, o kanañ hag o tañsal. Balibouzig a zañs evel un den foll en o c’hreiz, en despet dezhañ.
    Da dortig Balibouzig
    Ar c’hozh kemener pizh (bis)
    Kanomp ur ganaouennig
    Hep ehan, hep diskuizh.

    Evel un gornigell                      )
    Tro mat, tro gwelloc’h-gwell  ) bis

    Bez laouen, kemenerig !
    Ac’h eus bet da c’houlenn (bis)
    Ha n’eo ket un dortennig
    Met ur foultrenn dortenn.

    Evel un gornigell                      )
    Tro mat, tro gwelloc’h-gwell  ) bis

Balibouzig souezhet-marv, a ya kuit. Guilcher a zeu.