XVIII diviz

Genre
Théâtre
Langue
Breton
Source
Brest, Moulerezh ru ar C’hastell, 1933
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

GUILCHER, BALIBOUZIG

GUILCHER
Petra a rez amañ, Balibouzig, e-kreiz an noz, evel-se ?

BALIBOUZIG
E… teu, teu, teu, e… teu… an, an eus…

GUILCHER
Klevout a ran, te a zeu en-dro eus foar vras Landerne. N’eo gwir ?

BALIBOUZIG
E, e, e, e, eo. Ha te ao, a oar, Guil… Guil… cher…

GUILCHER
Ya, ya, moarvat, da ugent skoed, hein ?

BALIBOUZIG
Ya, a, a, a, ya… a… a…

GUILCHER
Bez dinec’h, e vezo paeet, sur, met diwezhatoc’h.

BALIBOUZIG souezhet-marv, o sellout ouzh kein sonn Guilcher
Pe, pe, petra ? da, da, da, da dortenn, da dortenn.

GUILCHER laouen
Ya, ya, va zortenn a zo aet kuit buanoc’h eget ul labousig o tilezel e neizh.

BALIBOUZIG souezhet atav
Ha pe, pe, pe, pe, pen… a…

GUILCHER
Penaos ? dre galloud ar gornandoned. Roet o deus din frankiz da zibab pe ar binvidigezh pe ar c’haerder. Dibabet em eus ar c’haerder, ar vraventez.

BALIBOUZIG
Ge… ge… ge… naou… ge…

GUILCHER
Ya, genaoueg ! Klevout a ran.

BALIBOUZIG
An… an… and…

GUILCHER
Ya, anduilhenn ! Klevout a ran.

BALIBOUZIG
Re, re, ret e oa, ret… e oa…

GUILCHER
Ya, ret e oa dibab ar binvidigezh, war da veno, hein ?

BALIBOUZIG
Ya, a, a, a, a, Guil… y… Guil… cher. Hag ar re, ar re, se, a, a, a ro, a ro… fe di… din, mar te, teze ar bin… ar bibin… ar binvi…

GUILCHER
Hep mar ebet ; ar re-se a rofe dit ar binvidigezh mar he goulennfes diganto ; netra suroc’h. Al loar a zo sklêr-kenañ. Ar gornandoned a ya hag a zeu a bep tu, en noz-mañ, war al lanneg. N’ec’h eus nemet o gervel ; dont a raint. Evit o lakaat da zont, n’eus ken tra da ober nemet en em glemm e c’hiz ar gaouenn. Hou, hou, hou ! Hou, hou, hou… Lavar un tammig, da welout.

BALIBOUZIG
Kou… kou… koukou… ou…

GUILCHER goapaüs
N’eo ket koukou, koukou eo, met hou, hou, hou !

BALIBOUZIG o c’hagilhat
Aou, iou, iou, aiou, ahou…

GUILCHER
N’eo ket, nann ; n’eus forzh ; kenavo ha gra labour mat, Balibouzig.

BALIBOUZIG
Ya, a, a, a… Guilcher a ya kuit.