XVII diviz

Genre
Théâtre
Langue
Breton
Source
Brest, Moulerezh ru ar C’hastell, 1933
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

GUILCHER e-unan
Pebezh burzhud ! va Doue, burzhud ar burzhudoù ! O treiñ hag oc’h en em bompadiñ. Sellit ouzhin ’ta, Bretoned vat, sellit ouzhin. Da belec’h eo aet kuit va zortenn ? Da belec’h ? Sellit ouzh va c’hein nevez. Hein ? Petra ’c’hellfe bezañ souezhusoc’h ? Hein ? Netra, netra. Guilcher an den tort, Guilcher, ho kenvroad paour ha divalav, a zo bremañ ken sonn ha bazh vanniel ar barrez. Bez laouen, Guilcher, bez laouen Guilcherig ; ar merc’hed koant, diwar-vremañ, ne zirollo ket da c’hoarzhin pa dremeni en o c’hichen. O sellout a-gleiz hag a-zehoù. Petra, petra ? Un den a welan o tont amañ. Piv eo ? Piv ? va Doue, Balibouzig eo !