XVI diviz

Genre
Théâtre
Langue
Breton
Source
Brest, Moulerezh ru ar C’hastell, 1933
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

DJIM, AR GORNANDONED, GUILCHER

GUILCHER
Nag a anaoudegezh vat a dlean deoc’h, mignonedigoù ! ho trugarekaat a ran a greiz va c’halon.

DJIM
Laouen ’out, Guilcher, gwell a se, met emaomp o vont kuit holl, bremañ, abalamour d’ul labour bras hon eus da beurober a-raok ar sav-heol. Kenavo, Guilcher, chañs vat dit ha yec’hed mat dit.

GUILCHER
Mil drugarez adarre deoc’h, ha kenavo.

DJIM
Sell ! ur c’huzul mat am eus da reiñ dit a-raok mont kuit. Mar ec’h eus ezhomm ac’hanomp ur wech pe wech, netra aesoc’h eget hor gervel. N’ez pezo ken tra da ober nemet klemmvan ar gaouenn, teir pe beder gwech evel-henn : Hou, hou, hou ! hou, hou, hou ! Ni a zeuio holl, raktal, da’z kavout.

GUILCHER
Mat ; n’ankounac’hain ket. Ar gornandoned holl a ya kuit.